5 nov 2018

O PRIMEIRO

A primeira proposta lectora para este curso...




Atoparemos Vigo por algures?

DESCUBRINDO VIGO NOS LIBROS

O 25 de outubro comezamos unha nova andaina no noso club de lectura, Os Compartelecturas.
Librincios achegounos unhas cartas para darnos a benvida e dentro dela viñan unhas pezas que tiñamos que presentarlas o día da nosa cita...levounos un bo rato xuntalas todas...



...pero ao final conseguímolo!


Entre todos conseguimos formar un plano da cidade de Vigo.

Este ano imos a DESCUBRIR VIGO NOS LIBROS!


27 abr 2018

UNHA ÚLTIMA SESIÓN COMPARTINDO LECTURAS

Hoxe celebramos a última sesión do Clube relacionada cunha das lecturas deste curso. Canta pena nos dá sempre que esta actividade remate!

Puxemos sobre a mesa A praia da esperanza, de Agustín Fernández Paz (en Xerais). 

Esta lectura foi un empréstito da biblioteca escolar Bibliorobiño, do CEIP Humberto Juanes. Gustaríanos agradecer este tipo de colaboracións entre bibliotecas, sen as caes non sería posible poñer en marcha o Club de Lectura.


O contido do libro, en xeral, gustou moito a todos, pois nos fala dunha castástrofe que sucedeu hai non moito tempo nas costas galegas. O afundimento do Prestige tocou o corazón de todos os nosos pequenos lectores, que pronto relacionaron esa traxedia coa vivida hai pouco nos seus fogares a causa dos incendios.


Foi unha sesión moi interesante, pois os membros (cada vez máis críticos no aspecto literario) comentaron que agardaban algo máis deste autor, en base a outros títulos del que leran. O texto resultoulles damasiado curto, faltáronlles puntos de vista (aquel do que ocurría no barco) e botaron en falta máis acción.


Porén, pareceulles interesante o modo en que o gran Agustín Fernández Paz introduciu a historia, creando un personaxe fantástico que a todos namorou.

Alongamos a charla durante a merenda e aproveitamos para falar de todos os títulos lidos e establecer o noso ranking persoal; para poñer palabras ao que significa para nós o Clube de lectura; para agradecer os momentos compartidos; para facer propostas para vindeiros cursos... Mesmo plantamos a semente para que se reivindique un Club de lectura no instituto!

Aquí vos deixamos os cometarios que xurden logo de realizar esta actividade... Só podemos estar agradecidos e emocionados. Para nós tamén foi todo un pracer!

















GRACIAS!

13 mar 2018

RECOSNTRUÍNDO A II GUERRA MUNDIAL

Despois de ler Cuando Hitler robó el conejo rosa, de Judith Kerr, decidimos que era un bo momento para traballar arredor da II Guerra Mundial. 

Plantexamos unha actividade na que os membros do clube tiñan que organizar a liña do tempo cos principais acontecementos desta contenda para logo reconstruilos sobre un mapamundi.


Comezaron ordenando cronolóxicamente as tarxetiñas e, cando tiñan clara a secuencia dos acontecementos, pintaron de distntas cores países aliados e países do eixe e sinalaron con frechas como Alemaña foi invadindo aos seus veciños ata implicar a gran parte do mundo na guerra. 




Este foi o resultado final... Gracias pola vosa participación!


28 feb 2018


Hoxe reunímonos para falar da lectura que nos tivo entretidos este último mes: Cuando Hitler robó el conejo rosa, de Judith Kerr (Alfaguara).

Foi un libro que gustou moito, a pesar de que a situación que narra é dura. 

Ao longo da sesión compartimos as nosas opinións sobre o carácter e os sentimentos dos distintos personaxes; as etapas da viaxe da familia de Anna e os motivos que impulsaban o cambio de domicilio; os raros costumes amorosos en Zúrich; os momentos de tensión cando un personaxe enferma ou deixa de mandar cartas...

Todos os membros comentaron aqueles xiros na trama que lles chamaron a atención e a lectura deu pé a falar dunha época histórica complicada a nivel mundial: a II Guerra Mundial.

Falamos de Hitler, dos nazis, dos xudeus, dos campos de concentración, da inxustiza... E aproveitamos a ocasión para intercambiar recomendacións doutras lecturas ambientadas nesta época.

Quedámos, como resumo final, cunha frase de Anxo sobre a historia: "Hitler, quedándose co coello, roboulle a Anna a infancia".


  


As propostas para as seguintes sesións do clube, co obxecto de profundizar nesta época da Historia que tanto nos chamou a atención, son dúas:

- Cineforum sobre El niño con el pijama de rayas, que se levará a cabo en dúas sesións de tarde (para facilitar a asistencia de todos os membros). Esta película está baseada no éxito literario de John Boyne.

- Reconstrución da II Guerra Mundial a partir dunha liña do tempo sobre un mapamundi. O reto consistirá en ordear os acontecementos máis destacados desta contenda e ir colorando sobre un mapa as distintas fases da guerra.

24 ene 2018

UN NOVO LOGO PARA OS COMPARTELECTURAS

Despois da lectura de Os Megatoxos e o prendiz de Druída, propuxemos aos membros do noso selecto clube que deseñaran un logo para identigficarnos (do mesmo xeito de Lúa, Faísca, Ruxe e Ninfa tiñan o seu).

Houbo moitas e moi boas propostas, pero só unha podía ser a elixida e, por maioría, foi esta.

O logotipo gañador é un deseño de Laura Santos, de 6º

Co logo gañador fixemos chapas para todos. Dende aquí queremos agradecer a colaboración do CEIP Humberto Juanes, que nos emprestou a máquina para montalas.

Ademáis, cada membro fixo outra chapa personalizada, cun deseño orixinal elaborado por eles mesmos.

Pero que ben o pasamos nestes ratiños xuntos!


22 ene 2018

ALGÚNS DATOS HISTÓRICOS PARA COMPRENDER MELLOR A LECTURA

A lectura que nos ocupa este mes está ambientada na época en que sucede a II Guerra Mundial.

Nela fálase de Hitler e de como foi invadindo países europeos durante este conflicto.

Aquí deixamos algunha información que pode servir de axuda para comprender mellor o que sucedeu en Europa entre os anos 1939 e 1945 e o que foi a persecución dos xudeus e o holocausto Nazi.

Premendo nesta imaxe podedes ver un vídeo que explica como e por que comezou a II Guerra Mundial.


Premendo nesta outra imaxe, atoaredes información sobre o que sucedeu durante este conflicto, tamén nun vídeo.


Xa iremos poñendo máis información, para que comprendades mellor esta bonita pero triste historia...

17 ene 2018

OS MEGATOXOS LEVARON BOA NOTA!

Aínda que, de primeiras, os comentarios polos corredores do cole non eran moi positivos no que respecta a esta lectura; despois da reflexión conxunta de hoxe Os Megaoxos e o aprendiz de Druída (Anxo Fariña), conveceron aos nosos membros e obtiveron un notable alto.


A sesión desta mañá deunos para falar do "non final" deste libro, que nos deixa coa intriga de saber se recuperan o toxo; para identificarnos con algún dos personaxes, polo seu carácter; para poñer en común o modo de vida dos Celtas (aquí en Galicia); para sospeitar dese tal M.P. e da profesora Larafuzas...

Algúns dos membros confesaron que a novela fantástica non é o tipo de lectura que máis lles gusta, pero que ao final o libro conseguiu engancharlles. Sempre hai que darlles unha oportunidade!

Logo da amena charla, repartimos o título que nos manterá entretidos durante o seguinte mes Cuando Hitler robó en conejo rosa, de Judith Kerr. A por el, lectores!

Moi contentos co novo título!

15 ene 2018

IMITANDO PINTURAS RUPESTRES

Neste clube de lectura encántanos facer actividades relacionadas cos títulos que lemos. Adiviñades o que estivemos a facer hoxe?


Como xa sabedes, hai pouco limos Una mano en la piedra, de Ana Alonso; un libro co que decubrimos a aventura que Clara e Laia viven durante o Paleolítico. 

O título da obra, elemento clave na historia, deunos a idea para propoñer aos nosos membros un obradoiro de pintura rupestre co que poñer o broche de ouro a esta lectura.



Hoxe reunímonos na biblioteca do cole para levalo a cabo. Un pouco de café molido, un chisco de pimentón, carbón vexetal, papel envellecido (no forno), auga, cola branca, témpera vermella e... moitas ganas de meternos na pel dos antigos poboadores das cavernas!



Deixamos voar a nosa imaxinación e pintamos escenas típicas das covas paleolíticas e neolíticas: bisontes, cervos, cazadores, danzas e, como non podía ser douro xeito, mans.

Aquí vos deixamos un vídeo coas fotos. 

Pasámolo en grande!